САУЫҚТЫРУҒА «АЛТЫН ТҰЛПАР» СЕБЕП БОЛУДА

Мүмкіндігі шектеулі балалардың денсаулықтарын атқа мінгізу арқылы оңалтуды мақсат еткен «Алтын тұлпар» атты қайырымдылық жобасы еліміздің бірнеше өңірінде өз жұмысын бастағанын оқырманға бірер ай ілгеріде хабарлаған болатынбыз. ҚР Ұлттық спорт түрлері қауымдастығы мен «SAMRUK KAZYNA TRUST» әлеуметтік  жобаларды дамыту қоры бірлесе отырып жүзеге асырған бұл қайырымдылық шара болашақта республиканың тоғыз облысында жұмыс жасайтын болады. Ал, дәл қазіргі кезде «Алтын тұлпар» қайырымдылық жобасы бойынша Ақмола облысында, Ақтөбе облысында және Оңтүстік Қазақстан облысында мүмкіндігі шектеулі балалардың денсаулықтарын атқа мінгізу арқылы оңалту жұмыстары жүйелі түрде жолға қойылды.   

 

         Жуырда біз Ақмола облысында, Ақтөбе облысында және Оңтүстік Қазақстан облысында атқарылған жұмыстар туралы мәліметтер алдық. «Алтын тұлпар» қайырымдылық жобасын  қолдап, сырқат балалардың сауығып кетуіне себепкер болмаққа күш салған осы ұжымдардың нәтижелі еңбектерін алдағы уақытта тұрақты түрде толығырақ жариялап тұрмақшымыз. Қайырымдылық іске құлшына кіріскен өңірлердің бізге жолдаған мәліметтері әзірге төмендегідей деңгейде көрініс табуда.

           Оңтүстік Қазақстан облысы. Денешынықтыру және спорт басқармасына қарасты «Оңтүстік Қазақстан облыстық ұлттық спорт түрлері бойынша мамандандырылған балалар-жасөспірімдер спорт мектебі»  МКМ-сі. Бұл мектеп аптасына екі рет 25 баладан қабылдап, бір айда 100 сырқат баланың атқа мініп серуендеуіне жағдай туғызуда. Жарияланған фотосуреттер «Оңтүстік Қазақстан облыстық ұлттық спорт түрлері бойынша мамандандырылған балалар-жасөспірімдер спорт мектебінің» спорттық алаңында түсірілген. 

          Ақмола облысы. «Ақмола облыстық ұлттық спорт түрлері бойынша мамандандырылған спорт мектебі» МКҚК-ы. Аталмыш мектеп аптасына үш рет 6 баладан қабылдап, бір айда 72 баланың атпен серуендеуін қамтамасыз етуде. Жарияланған фотосуреттер Ақмола облыстық ұлттық спорт мектебінің спорттық алаңында түсірілген.  

         Ақтөбе облысы. Ақтөбе облыстық денешынықтыру және спорт басқармасына қарасты «Ат спорты түрлері бойынша облыстық №10 балалар мен жасөспірімдер спорт мектебі» МКМ-сі. Ақтөбе қаласындағы бұл мектеп әзірге аптасына бір 7 баладан қабылдап, бір айда 28 сырқат баланың атпен серуендеуіне мүмкіндік жасауда. Жарияланған фотосуреттер   «Ат спорты түрлері бойынша Ақтөбе облыстық №10 балалар мен жасөспірімдер спорт мектебінің» спорттық алаңында түсірілген. 

   

           Оқырманымызға «Алтын тұлпар» қайырымдылық жобасының мақсатын айтып өтсек, негізінде науқас балаларды атқа мінгізіп серуендету арқылы емдеу халықтық медицинада ертеден бар тәсіл. Мұны қазіргі медицинаның білікті мамандары да бірауыздан мойындаған. Жылқы малы науқас бала үшін – табиғи тренажер.  Бұл жылқының емдік қасиетінің физикалық қыры болса, екіншісі – эмоционалдық сипатта. Оны қысқаша түсіндіргенде, мәселен, бала жаны жануарды жақсы көреді, онымен сөйлеседі, сырласады, салт атқа мінгенде көңілі көтеріледі. Оған қоса, ат үстінде, биікте жүрген бала әлемге жоғарыдан қарайды, сол арқылы оның өз-өзіне деген сенімдігі артады. Ал, дәрігерлердің айтуынша, сенім мен көтеріңкі көңіл күй – нәтижелі ем алудың ең басты шарты боп табылады.  Жылқының мұндай емдік қасиеттері  тек БЦС ауруына ғана емес, көптеген сырқатқа шипа. Олардың қатарында – тірек-қимыл аппараттарының, сөйлеу жүйесінің бұзылуы, психиканың баяу дамуы, Даун синдромы, аутизм, остеохондроз, простатит, склероз, артроз, құяң, омыртқаның 1-2 деңгейде майысуы, жүрек-қантамыр ауруларын жатқызуға болады. Сондай-ақ, тірек-қимыл аппаратының бұзылуында, атеросклероз, бас сүйек жарақатында, полимиелитте, асқазан-ішек ауруларында, простатитте, ақыл-ой жетіспеушілігінде де атқа мініп емделу ұсынылады.

          Міне, осындай көптеген сырқатқа шипа болатын атқа мініп серуендеуге екінің бірінің қолы жетпейтіні анық. ҚР Ұлттық спорт түрлері қауымдастығының «Алтын тұлпар» атты қайырымдылық жобасы осы олқылықтың орнын толтырып, еліміздегі мүмкіндігі шектеулі балалардың сауығып кетуіне себепкер болмақ. Жоба бағдарламасына сәйкес, негізінен 18 жасқа дейінгі балалар аптасына бірнеше күн атқа мініп серуендей алады. «Алтын тұлпар»  қайырымдылық жобасына   ҚР Ұлттық спорт түрлері қауымдастығының әр өңірдегі  серіктестері де құлшына қолдау білдіруде.

        Жоғарыда біз Ақмола облысы, Ақтөбе облысы және Оңтүстік Қазақстан облысында атқарылған жұмыстар туралы мәліметтерді назарға ұсындық. Алдағы уақытта еліміздің әр өңірінде мүмкіндігі шектеулі балаларды атқа мінгізіп емдеу-сауықтыру орындарының қатары қалыңдай түседі деген үміттеміз.  

 

Мекемелер Мекен-жайы Жауапты тұлғалармен байланыс телефондары
1 «Маңғыстау облыстық ат спорты түрлері клубы» Ақтау қаласы, Орталық   ипподромы Сүйебаев Қанағат

8(701) 5265073

2 «Ұлттық және халықтық спорт түрлері бойынша Қайырбаев атындағы спорттық клубы» Павлодар қаласы, 1Мамыр көшесі Иманжусупов Ержан

8 (701)5884342

 

3 «Әулиеата» көкпар клубы Тараз қаласы, «Айшабибі» селосы Момынов Нұрдаулет   

 8 (702) 8065070

4 «ҚР Ұлттық спорт түрлері бойынша мамандандырылған мектеп»

 

 

Шымкент қаласы, Бәйдібек би-113

 

Құрманбаев Алданұр

8 (701) 3386520

 

5 «Көкпар федерациясы» Астана қаласы,  «Балқарағай» демалыс аймағы Самат

8 (701) 7871111

6 «Ұлттық спорт түрлерінен облыстық балалар мен жасөспірімдер спорт мектебі»  

Көкшетау қаласы, Краснояр ауылы

 

Қойшин Марат

8 (701) 4009329

7 Орал қаласының ұлттық спорт мектебі Орал қаласы, Асан ауылы Мырзағалиев Дастан

8 (775) 3737061

8 Алматы облысының «Бәйге» федерациясы Талдықорған қаласы, қалалық ипподром Досжанов Рүстем

8 (702) 7771976

9 Ақтөбе облыстық денешынықтыру және спорт басқармасына қарасты «Ат спорты түрлері бойынша облыстық №10 балалар мен жасөспірімдер спорт мектебі»  

Ақтөбе қаласы, Қарғалы ауылы

 

Төлеуов Бақтияр

8 (705)3798447

 

 

Баспасөз қызметі

 

Оставить комментарий

Ваш email нигде не будет показанОбязательные для заполнения поля помечены *

*

WordPress спам заблокировано CleanTalk.